صقر الباديه .. الأيام الخوالى






http://sagrbadea.7olm.org
 
الرئيسيةالتسجيلدخولتسجيل الدخول

شاطر | 
 

 يا بحر

اذهب الى الأسفل 
كاتب الموضوعرسالة
دمعة أمل
.
.
avatar

الجنس : انثى
عدد المساهمات : 652
تاريخ التسجيل : 07/01/2011
المزاج المزاج : رايق

مُساهمةموضوع: يا بحر    السبت مارس 26, 2011 4:52 am

يا بحر



لك الله يابحر من ويـن جبـت الصبـر ياصبـار ..


وأنا صبري عجز لايكتـم اللـي شفـت بأقـداري


أنا يابحر همـي ساحلـك .. والمركـب الـدوار


يسوق الموج للمينا وتصدم فـي صخـر ظـاري ..


أنا مـدك وجـزرك والهـوى والليـل والأنـوار


طلبتك يابحر .. نزل شراعـك واسمـع أخبـاري


أنا شلت الغرام اللي سنيـن العمـر بـه تحتـار ..


وتهت وضعت بين المستحيل .. ورغبة أصـراري


سريت الليل أنا يابحـر كـن النجـم لـي سمـار


ووصلت لشطك الظالـم ولاأدري ويـن مشـواري ..


وعجزت أغلق شبابيك الحزن وأرخي عليها ستار


وأخاف الشمس تفضحني نهار يشوفنـي جـاري


سبحتك ليـن سمونـي بعـدك ((بــ فلان )) البحـار ..


تعال وعوم فينـي .. شـوف لولـوي ومحـاري


تعال .. وشف أثر عصفور سطح الماء فزعه وطار


ودور لي هنا ضلع تـوارى .. ويـن متـواري ؟!


توارت قبلـه دموعـي عـن الجـلاس والأنظـار


وتوارت قبله أحلامي .. وعاشت خارج أسـواري


سريت الليل وأثر الليل نـاوي يفضـح الأسـرار ..


وأثاري كـل ليـل مرنـي مـن فرحتـي عـاري


أنا ماأذكر من الرحله سـوى دمـع همـا مـدرار


ومجداف رميته في ظلامـك جيـت بـه سـاري ..


أنا غصن ظلمه الوقـت ماعـدت عليـه أمطـار


رداة الحـظ خلتنـي .. أعيـش آطـار آثـاري!


نا أدري مابيدينك فـرح تعطينـي عليـه اقـرار ..


وأنا أدري ان السكوت أرحم من الشكوى لجـزاري


أنا جيتك أبي أخمد علـى شاطيـك بعـض النـار


وأثر حالك مثل حالـي تعانـي الجـرح وتـداري ..


بحر .. بالله توعدني وعد .. لاتفضـح الاسـرار


يهـون المـوت بأمواجـك ولاتتشتـت أسـراري
الرجوع الى أعلى الصفحة اذهب الى الأسفل
 
يا بحر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صقر الباديه .. الأيام الخوالى :: منتديات صقر الباديه اضغط هنا :: ***ديـــــــــــــــــــــــــــــــــــــــــــــــــوان الأدب *** :: الشعر المنقول-
انتقل الى: