فلسطين بدها تحكيلكم حكاية شو رايكم نسمعهااا

فلسطين بدها تحكيلكم حكاية شو رايكم نسمعهااا

تعالو يا ولاد ...

يلاا اقعدوا عالأرض هان تعالوا..

اعملوا دائرة حوليا يلا ..

يا ساتر يا رب ,,اححم..

بدنا نكول الحكاية يا شاطرين و يا حلوين ..

القصة من تراثنا يا ولاد ويا بنات

من تراث فلسطين

فلسطين بعتت سلام للجميع

.. وحكتلي
.. قول لأولادي
.. اشتقت كتير للكعدات الحلوة
.. ضو القمر .. ولكلوب الحبايب
.. والقصص الندية
.. والحكاوي
.. تعالوا لنرجع أيام زمان
.. كل يوم قصة .. كل يوم حكاية
.. مش لحتى نام
.. عشان يصحى فينا إشي ما بنام
.. ليالي كانت في فلسطين
.. وقصص نحكيها لنبقى احنا في الوطن عايشين
.. فلسطين بتسلم عليكم
: وعم بتقولكم
.. كان يا مكان يا سادة يا كرام
.. كان يا مكان يا مستمعين يا كرام
.. وما يحلى الكلام الا بالصلاة على الحبيب محمد خير الأنام

.. زيدوا الصلاة صلاة
.. هاد يا سادة يا كرام .. يا أهل الجود والإكرام
.. كان في
.. ولم كان في .. كان هناك كل شي
.. كان في بلد ما تعرف الشمس غيرها وطن
.. والقمر فيها وجه صبية مليحه
.. وكان فيها ناس .. الحب والخير فيهم أساس
.. كان يا مكان
.. وطن .. حب .. سلام .. أمن .. شجر .. عمر .. قمر
.. كان يا مكان
.. كان في وطن .. اسمه فلسطين
.. ويا حبايبي يا سامعين .. ما في منها اثنين

.. ما بدي أكتر عليكم حكي
.. طلع في يوم عليها الصبح
.. هجمت الدبابة .. وما كانت خيابة
.. هجموا على البيوت .. على الكروم
.. ع الخوابي .. حرقوا الروابي
.. وقلعوا عين الصبية
.. وحجبوا الشمس وطفو الشموع
.. وصار الشعب الحر ساكن بخيام
.. وما بكى عليهم حد .. لأنه البكي بده زلام
.. سكنوا بالخيام
.. ايش ضل بالقصه
.. طلعوا عليهم بقصة توطين .. وأكياس طحين
.. يا ويلي على المساكين
: طلع فيهم منادي قال
يا عالم ياهوووووو
.. يا سمعين الصوت
.. ورب السما والدنيا .. ترابك يا فلسطين ما يهون
.. أنا لاجئ ساكن بخيمتي لحتى أرجع أو القيامة تقوم

.. ما برضى بالذل
.. راح أبقى عربي فلسطيني
.. بلا وطن
ع طول العمر
عشقي فلسطيني
.. يا سامعين الصوت
.. أنا فلسطيني
.. أنا فلسطيني
.. أنا فلسطيني
.. وهيك يا سادة يا كرام
.. صلوا على النبي قبل ما نكمل الكلام
.. وبقى الفلسطيني جرح بصدر الزمان
.. حامل جروحه وين ما كان
.. لسه ما بدت القصه حتى تنتهي
.. لسه الحكي قدام
.. بس الفلسطيني وصاني أبلغكم السلام
.. ادعولهم .. لحتى ربي يفرج الكرب .. ويرجعوا زي زمان
الله يرحمك ياستي.........

عزيزي الغالي محمود

هذه هي الحكاية وهذه هي الرواية
التي تحمل في طياتها هوية الجرح النازف والمسفوح
هنا تكون البدايات وتعلو فوقها كل بداية
هنا نقف لا لنتفرج هنا نبكي ونتأمل ونقرر كيف سنمحي عار الامة
ونتحرر

اذرف دموعي على حال المسلمين .
على امة قد ضرب العدو في عقيدتهم السكاكين .
حيث امسينا نحن اليوم من الارهابيين .
لاننا ننادي بشيء من غبار حطين !!!!
وفي الختام الى كل من في قلبه ذرة اسلام
لا تنسو احفاد من نحن ؟
فأنتم تعرفون معنى الكلام
الفرج فريب يافلسطين الحبيبه

محمود اشكرك على طرحك المهم

لا تحرمنا من جديدك تقديري واحترامي