صقر الباديه .. الأيام الخوالى






http://sagrbadea.7olm.org
 
الرئيسيةالتسجيلدخولتسجيل الدخول

شاطر | 
 

 نكت الثورة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دمعة أمل
.
.
avatar

الجنس : انثى
عدد المساهمات : 652
تاريخ التسجيل : 07/01/2011
المزاج المزاج : رايق

مُساهمةموضوع: نكت الثورة   الإثنين يوليو 16, 2012 8:30 pm

نكت الثورة








آلاف الرسائل والإفيهات واللافتات الطريفة عن خلع حسني مبارك علي الفيس بوك وتويتر ولافتات التحرير ، بعدما اعتادوا علي السخرية وإطلاق النكات في كافة المناسبات السعيدة وحتي الحزينة

أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟
وهتف مع المتظاهرين "يسقط يسقط حسني مبارك


بعد ثورة مصر وتونس يوم الجمعة ، القذافي قرر إلغاء صلاة الجمعة في ليبيا





الرئيس مبارك قال إنا خسارة في المصريين وتنحى وقرر إنه يرشح نفسه لرئاسة تونس
مما دفع ملايين التونسيين إلى المطالبة بعودة زين العابدين بن علي
زين العابدين لما عرف بعت رسالة لمبارك يقوله له فيها : متنساش تجيب دراع البليستيشن معاك
رد مبارك قائلا : لا تعايرنى ولا أعايرك الشعب خالعنى وخالعك

مبارك بعد ما مات قابل السادات وعبد الناصر، سألوه: هاه؟ سم ولا منصة؟
رد عليهم بحرقة وقال: فيسبوك

واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟
قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية
الراجل قاله: خلاص خلي حسني مبارك يسيب الحكم
العفريت قاله: انت عايز الكوبري رايح جاي؟ ولا رايح بس؟

بلطجي سألته قناة الجزيرة إنتوا ليه بترموا مولوتوف علي الشباب ، فرد قائلا
العيال دول بيرموا علينا قنابل بلوتوث

شهود عيان فى أروقة وزارة التربية والتعليم أفادوا أنه تم تأجيل امتحانات الدور التانى إلى
أجل غير مسمى، معللين هذا بأن النظام سقط وعاوز وقت عشان يلحق يذاكر

عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح

مبارك قال لأعوانه : فين الفلوس ؟
فقالوا له أنت ناسي يا ريس أننا انفقنا علي البلطجية والحمير في موقعة الجحش

مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين على السعودية والمسيحيين على أمريكا واقفل وهات المفتاح وتعاله

إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة

سألوا الرئيس عن رأيه في التغيير
قال: التغيير ده سنة الحياة .
قالوا: طب وسياتك مش هتتغير؟
قال: أنا فرض مش سنة


واحد بيسأل الثاني: إذا انتصرنا عالحكومة وفزنا عليهم حيحصل إيه ؟

رد عليه الثاني: حنلاعب مع تونس على النهائي


واحد أمريكي وواحد روسي وواحد مصري ..

قال الروسي أحنا حفرنا تحت الكرملين

ووجدنا خطوط التليفون وهذا دليل على إننا اخترعنا التليفون

فرد الأمريكي قائلا : وأحنا حفرنا تحت البيت الأبيض ووجدنا خطوط التليفون فنحن إذا أول

من اخترع التليفون .

فضحك المصري وقال أحنا حفرنا تحت الأهرام ولم نجد شيئا .. وده معناه أننا اخترعنا المحمول اللاسلكي


من أفلام الثورة

مبارك في الزنزانة - يا أنا يا حسني - الواد سليمان بتاع الرئيس - مبارك شيكا بيكا

إنها حقا أجندة محترمة - خالتي أجنده - شورت وأجندة وكاب - بلطجية في كي جي تو

مطب رئاسي - اللي بالي ماشي - اللعب مع الإخوان - نحيني شكرا - يادنيا ياحرامي

حب في الدبابة


وكتب آخرون تعليقا يقول

حسني مبارك "آسف على الازعاج"
انت عملت أكبر "مطب صناعي" في تاريخ مصر
والله إنت "وش إجرام" وطول عمرك "دبور"
ودلوقتي معاك "زهايمر"
باختصار إنت " محترم إلا ربع"
كل الشعب بقى ينادي "جعلتني مجرمًا"
وعملت الحلو "عسل إسود"
ومن السجون "العيال هربت" سرقت من عيونا " الفرح"
إنت فاكر مصر "كباريه"
وعامل فيها "الزعيم" وكنا نقول يا عم عديها "حين ميسـره... "
"ليه.. يا دنيا" "هي فوضى" باختصار حسني مبارك . "طير إنت"

وكان مصريون رفعوا بدورهم لافتات طريفة خلال الثورة وعقب تنحي مبارك أشهرها

إرجع ياريس كنا بنهزر معاك .. الكاميرا الخفية


مبارك .. طير أنت


رابطة نجاري مصر يسألون الأسطى مبارك: ما نوع الغراء الذي تستخدمه؟


ارحل.. الولية عاوزة تولد والولد مش عايز يشوفك


ارحل عاوز أتجوز

ارحل مراتي وحشتني.. متزوج من 20 يوم
ده لو كان عفريت كان طلع



لو ما استحمتش النهاردة في بيتنا.. هاستحمى يوم الجمعة في قصر الرياسة



لارواحكم عناقيد الفُل























يعشقون الورد لكن يعشقون الارض أكثر

دمعة أمل





الرجوع الى أعلى الصفحة اذهب الى الأسفل
 
نكت الثورة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صقر الباديه .. الأيام الخوالى :: منتديات صقر الباديه اضغط هنا :: *** أستراحـــــــــــــــــــــــــــــــــــــــة المنتدى *** :: تناول .... فنجان قهوه بالأستراحه ....-
انتقل الى: